NAJ MI ZAKLANJATI RIEČ
Naj me mamiti
zmaskirunim
i kamuflirunim
riečima,
scifranim
i musavim
zapisima.
Naj mi zaklanjati
rieč
Soncem i rosom
napojenu,
z gota zgovorenu....
...Jer vu meni
rieč i su
kak bistri i
čisti potočec
v šterem saki
komenek vidiš.
Naj me mamiti
zmaskirunim
i ludirunim
frazama,
nečem biti
zmotana
sprefrknjenim
vrednotama.
Naj mi zaklanjati
rieč
Soncem i rosom
napojenu.
Z gota zgovorenu!
Naj me mamiti tom
de ni som
svo rieč
više ne poznaš.

Anica Bukovec

 JA TI ŠEPČEM

Ja ti šepčem,ti mučiš,
Za me glasa ne pustiš.
Zake nike ne veliš?
Ja ti šepčem,ti mučiš.

Kakve tajne v sebi kriješ,
Pogledom me več ne greješ.
Postala si mračna sa,
Kak da z tobom niesem ja.

To su naše liepe senje:
Mesto sonca- megla, inje,
Bol preteška, pregliboka
Mesto cvetja rosneg- ternje.

Ja ti šepčem,ti mučiš,
Za me glasa ne pustiš.
Ja ti šepčem,ti mučiš,
Okom svojim se veliš.

Anica Bukovec